សេចក្តីជូនដំណឹងស្តីពីការលើកលែងកម្រៃសេវារថយន្តដឹកជញ្ជូនគ្រឿងឧបភោគបរិភោគ និងសម្ភារប្រើប្រាស់ដែលធ្វើដំណើរតាមផ្លូវល្បឿនលឿនភ្នំពេញ-ក្រុងព្រះសីហនុ ដើម្បីផ្តល់ជូនពលរដ្ឋភៀសសឹកនៅខេត្តកោះកុង
ថ្ងៃទី១៤ ខែធ្នូ ឆ្នាំ២០២៥ ក្រសួងសាធារណការ និងដឹកជញ្ជូន បានចេញសេចក្តីជូនដំណឹងថា ដើម្បីសម្រួលដល់ការដឹកជញ្ជូនជំនួយមនុស្សធម៌ជូនពលរដ្ឋភៀសសឹកនៅខេត្តកោះកុង ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានឯកភាពមិនយកកម្រៃសេវាចំពោះរថយន្តដឹកជញ្ជូនគ្រឿងឧបភោគបរិភោគ និងសម្ភារប្រើប្រាស់ចាំបាច់នានា។ ការលើកលែងកម្រៃសេវានេះត្រូវអនុវត្តចាប់ពីថ្ងៃទី១៤ ខែធ្នូ ឆ្នាំ២០២៥ នេះតទៅ។ ក្រសួង និងស្ថាប័នរដ្ឋ ឯកជន អង្គការ ឬសប្បុរសជនដែលមានបំណងដឹកជញ្ជូនជំនួយ អាចទាក់ទងមកក្រសួងតាមរយៈលេខទូរស័ព្ទ ០១២ ៩៧២ ០២៧ ដើម្បីសម្របសម្រួលជាមួយក្រុមហ៊ុនផ្លូវល្បឿនលឿន។
ក្រសួងសាធារណការ និងដឹកជញ្ជូន
